آپ کہیے کہ اپنے گواہوں کو لاؤ جو اس بات پر شہادت دیں کہ اللہ نے ان چیزوں کو حرام کر دیا ہے (١) پھر اگر وہ گواہی دے دیں تو آپ اس کی شہادت (٢) نہ دیجئے اور ایسے لوگوں کے باطل خیالات کا اتباع مت کیجئے! جو ہماری آیتوں کی تکذیب کرتے ہیں اور وہ جو آخرت پر ایمان نہیں رکھتے اور وہ اپنے رب کے برابر دوسروں کو ٹھہراتے ہیں (٣)۔

١٥٠۔١ یعنی وہ جانور، جن کو مشرکین حرام قرار دیے ہوئے تھے۔
١٥٠۔٢ کیونکہ ان کے پاس سوائے کذب و افترا کے کچھ نہیں۔ 
١٥٠۔٣ یعنی اس کا عدیل (برابر کا) ٹھہرا کر شرک کرتے ہیں۔